ՀՀ–ում իրենց ընկերությունը գրանցելու համար Դրսից եկած ծրագրավորողները «հերթ են կանգնում»

Ժամանած մասնագետները ոչ միայն բնակարաններ են վարձում, այլև դիմում են իրենց ձեռնարկությունները Հայաստանում գրանցելու համար։
ԵՐԵՎԱՆ, 7 մարտի – Sputnik. Հայաստանում անշարժ գույքի վարձակալման գների բարձրացման հիմնական պատճառներից մեկը ժամանած ՏՏ մասնագետներն են։ Այս մասին Հայտարարեց անշարժ գույքի գնահատմամամբ զբաղվող «Օլիվեր գրուպ» ընկերության հիմնադիր Հրաչյա Հակոբյանը։


Նա նշեց, որ հատկապես աճում է հանրային նշանակություն ունեցող տարածքների, այսինքն այն ամենի պահանջարկը, ինչը կապված է բիզնեսի հետ։
«Կարելի է ասել, որ այդ աճի մեծ մասը ՏՏ ընկերություններին է բաժին հասնում։ Մեր աշխատանքային տվյալների հիման վրա կարող ենք դա բավական վստահ ասել», – հավելեց Հակոբյանը։
Նրա տվյալներով`Երևան ժամանած ՏՏ ընկերությունների մի շարք սեփականատերեր կամ մենեջերներ սկսում են իրենց ձեռնարկությունները գրանցել Հայաստանում։
ՀՀ արդարադատության նախարարությունում խոստացել են այդ տեղեկությունները մեկնաբանել վաղը։
Նա նշեց, որ Պետռեգիստրի բաժանմունքներում այսօր բավական մեծ հերթեր են գոյանում Հայաստանում ձեռնարկությունների գրանցման համար, առանձին դեպքերում նունիսկ դիմում են ՀՀ քաղաքացիություն ստանալու համար»։
«Միևնույն ժամանակ պահանջարկն աճում է ոչ միայն գրասենյակների (որոնք օգտագործում են ՏՏ ընկերությունները), այլև արտադրական հարթակների, ինչպես նաև խանութների և պահեստների համար, հավելեց Հակոբյանը։ Աճել են վարձակալությամբ տրվող բնակարանների պահանջարկն ու գները, ընդ որում ոչ միայն Երևանի ողջ տարածքում, և նույնիսկ ոչ միայն մայրաքաղաքի մերձակա քաղաքներում, այլև Գյումրիում և Վանաձորում»,– հավելեց նա։


Հակոբյանը նկատեց, որ և՛ բիզնես տարածքների, և՛ բնակարանների դեպքում գնաճ է նկատվում արդեն մի քանի ամիս, սակայն փետրվարի վերջից այդ աճն արագացել է։
«Թե որքանով` դժվար է ասել, նման կարճ ժամանակահատվածում մանրամասն վերլուծություն անելը դժվար է։ Բայց այն, որ աճ կա, այն էլ` նկատելի, միանշանակ է», – հավելեց նա։
Անփող երկրում բնակարանային բում է. անշարժ գույքի շուկան ռեկորդներ է գրանցում
Անշարժ գույքի պետռեգիստրի տվյալներով`2020 թվականի նոյեմբեր–դեկտեմբեր ամիսների որոշակի գնանկումից հետո 2021 թվականի փետրվարից Երևանում բնակարանների գներն անդադար աճում են (վարձակալության գները վիճակագրությունը չի ներկայացնում)։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։


Մարտական գործողություններն ընթանում են արդեն 12–րդ օրը։
Փետրվարի 21–ից սկսած, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։
Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։

Դիտեք նաև՝

Понравилась статья? Поделиться с друзьями: