100գ բազուկ – 37 ԿԿալ
Բազուկը պարունակում է ածխաջրեր, մանրաթելեր, կալիում, ֆոսֆոր, կալցիում, մագնեզիում, երկաթ, ցինկ, С, В1, В5, В6, РР, Е վիտամիններ, ֆոլաթթու, А պրովիտամին:
Ամուր ոսկորներ, առողջ ատամներ
Սննդի մեջ բազուկի օգտագործումը դրական ազդեցություն է ունենում մեր ոսկորների և ատամների վրա: Դա տեղի է ունենում վերջինիս մեջ կալցիումի պարունակության շնորհիվ, ինչի պակասը հանգեցնում է կարիեսի, ռախիտի, օստեոպորոզի և երեխաների աճի խախտման:
Հանգիստ բազուկի հետ
Շնորհիվ ածխաջրերի, C վիտամինի, կալիումի և ֆոլաթթվի համադրության՝ բազուկը մաքրում է օրգանիզմը, վերացնում է հոգնածությունը, կանխում սակավարյունությունը, ինչպես նաև պաշտպանում քաղցկեղից:
Բազուկի պաշտամունք
Բոլոր ժամանակակից տեսակները սերում են վայրի բազուկից, որն աճում է Հեռավոր Արևելքում և Հնդկաստանում: Բազուկի մասին առաջին հիշատակումները կապված էին Բաբելոնի հետ: Այն բարձր էր գնահատվում հին հույների կողմից, ովքեր բազուկը զոհ էին մատուցում Ապոլլոն աստծուն: Ի սկզբանե սննդի մեջ օգտագործվում էին բացառապես բազուկի տերևները, մինչդեռ արմատները կիրառվում էին բուժական նպատակներով: 14րդ դարում բազուկը սկսեցին աճեցնել հյուսիսային Եվրոպայում: Նապոլեոն 1-ինի ժամանակաշրջանում լայն տարածում ստացավ շաքարի ճակնդեղը , որն այսօր հանդիսանում է շաքարի ստացման երկրորդ աղբյուրը շաքարեղեգից հետո:
Բազուկը բորշչի՝ արևելաեվրոպական խոհանոցի հանրահայտ ապուրի հիմնական բաղադրիչն է:
Բազուկի օգտակար հատկանիշները
1. Բազուկը պարունակում է պոլիֆենոլ և բետալին, որոնք կանխարգելում են ազատ ռադիկալների վնասները: Պոլիֆենոլը նաև կանխարգելում է սրտանոթային հիվանդությունները:
2. Բազուկը պարունակում է մի շարք վիտամիններ՝ ներառյալ վիտամին B, որն ամրացնում է մազանոթների պատերը և կանխարգելում է ճանաչողական խնդիրները:
3. Պարունակում է մի շարք հանքանյութեր, ներառյալ՝ կալիում և ֆոլատ, որոնք լավացնում են սրտի աշխատանքը: Բազուկի բաղադրության մեջ մտնող յոդը չափազանց կարևոր է վահանագեղձի հորմոնների արտազատման համար:
4. Պարունակում է ֆոլաթթու, որը թարմացնում է օրգանիզմը՝ նոր բջիջներ ստեղծելով:
5. Բետալինն ու այլ բաղադրիչներն օգնում են օրգանիզմից դուրս բերել տոքսինները:
6. Բազուկը պարունակում է բետացիանին և այլ հակաօքսիդանտներ, որոնք կանխարգելում են քաղցկեղային բջիջների աճը:
7. Բազուկի բաղադրության մեջ մտնող մանրաթելերը լավացնում են մարսողությունն ու աղիքային միկրոֆլորան: Օգնում է կանխարգելել դեմենտիան, քանի որ պարունակում է նիտրատներ, որոնք օրգանիզմի կողմից վերածվում են նիտրիտների: Նիտրիտները լավացնում են արյան շրջանառությունը:
8. Բազուկն ավելի շատ պեկտին է պարունակում, քան գազարն ու խնձորը: Պեկտինն օրգանիզմից հանում է ծանր մետաղներն ու վնասատու բակտերիաները:
Բացի այս ամենից, բազուկն իջեցնում է խոլեստերինի մակարդակն ու արյան ճնշումը, լավացնում է լյարդի ֆունկցիան և խթանում է նյութափոխանակությունը:
